我地一齊理性咁討論下(積分奴入黎)

鋼羽

壇主先生今次又強化積分系統
列左個追分制度

我係到諗,壇主先生個腦入面其實有咩
佢究竟想呢到有良性討論定抑或者係想多d人流多d人搵佢落廣告?

用積分留一班鍾意玩樂古online既人有咩用
個個都唔係真心傾計
只係想追下分,當玩online game咁

計我話就刪左積分樂點系統啦
又冇用,又搞到要管管盛
有積分就有小白

如果你冇積分,小白洗你都覺得手軟
整積分為咩鬼,仲要強化

壇主先生,你再係吸納追求積分既會員既話
樂古遲早變左某D淪落左既壇 (最後修改by winds, 未先得你同意edit你帖抱歉了-_-)
好好諗下啦

Herny回覆:
輕鬆一點說
用口語


我地明白有好多會員有唔同既意見
我地亦都明白好多會員都係想nakuz更好先至出聲
但係好多時會員提出既意見
我地未必真係能夠做得到或者即時做到更改
所以至做到有人所講既意見接受，行動照舊

好多時我地唔係唔想去聽會員既意見
但係有時候有好多野我地本身已經衡量過
有d會員既意見係未提出之前我地已經考慮過
就好似加一d論壇遊戲插件咁~~會令到server負荷加大
我地唔係唔想有多d娛樂俾會員
但係權衡server穩定同娛樂之間
我地一定要揀穩定~~

再講
其實好多人都知
nakuz好多版主~~甚至乎超版都係學生
我今年都要會考
好多時係nakuz工作上既時間唔一定有好多
因為要兼顧學業同nakuz兩方面
我地好多時都希望版主唔好放太多時間係到
畢竟對學生黎講最重要都係讀書
所以你見有d版主有時唔上線
我地都無話好嚴厲咁去執行
因為我地都明白每個人有每個人既苦處
若果要一d義務幫你做野既人無緬地付出
我地都於心不忍

講講下又好似離題了
其實講咁多
都係想解釋少少會員一直以黎對我地管理層既誤解或者唔清楚
如果會員有意見既
我地100%歡迎你提出
但係係提出意見既同時
我都希望會員們可以事前先想一想
因為有d野唔係我地唔想做~~而係實際唔容許我地去做
就好似開放成人區等等~~呢d意見都有會員提出過
但我相信大家都知道~~nakuz係以綠色forum係香港出名
而眾多的gamer亦都唔應該係有色情資訊既地方生存
所以意見我們希望係實際

而且係提出意見既時候
都希望可以提供一下其他意見
就好似呢個post既主題係關於積分既
咁就相應對積分提出一d意見

係雙方協作之下
一個地方先會變得更好


希望你地會有心睇哂我以上既野
亦都希望會減少一點會員對管理層既誤解

我答應你地我ce之後唔單止搞好活動部
我會係意見收集方面加一點功夫

DH回覆:
認真的問句:你有留意過年齡層嗎?

取消掉積分制度這個當然是可以考慮的議題
曾幾何時管理層就有過這種想法
問題是:取消了積分了,你要拿甚麼出來吸引別人回帖呢?
良好的討論環境?
有著豐厚常識或有專門知識的常駐群體?
擁有第一手的任何方面資訊的人才?
我想以上一堆事物在樂古偏低的年齡前面前早就抬不起頭來
轉型也恐怕難以實現,畢竟專業的人才們早在某幾個大型論壇聚居
我們或許存有遊戲資訊的優先獲取的優勢,但只限於本港的某幾間代理商的遊戲,當然也構不成過分的優勢

那麼還有甚麼東西能保證我們的回覆量以及質素相向發展?
收費或許是個不錯的方法
問題是,香港的論壇都不向這方面發展
亦難以估計有多少的香港人會有這方面習慣,同時沒有上述的優勢可言的前題下也沒有這個可能了
更不要說年齡層的問題了

所以,我們只淨下一條路可跑:積分制

所有制度都是落後於形勢的
畢竟制度是為了適切現時情況而生的
我們依舊採用這個制度就是因為它適合我們
或許你看到了積分制的極端化後衍生的問題了
而這問題可歸因於年齡層的問題
年齡層漸趨向下是得力於我們以遊戲資訊論壇的身分而出現的現像
大部分的會員我相信也是看到了某官方網站刊出我們論壇的網址而漸漸接觸我們的
這是四年前樂古成功出現的關鍵,也是幾乎不可能改變的現象
再加上某些人在背後推波助攔,也就更使一些自問理性(實際上則不得而知)的人避之則吉
在這個惡性循環下,只有繼續在其他方面進行改變

有人說我們管理層黑暗云云
但實際上我們連要求全論壇所有板主取消所謂的字數限制、洗板限制
改為以意義進行加扣分為原則的新方式也不能徹底貫徹的實行
有人發一大堆無聊的話題或是進行類似煽動的活動我們也不能作出甚麼行動
我們不像你們所見的毫無約束,若然真的不顧後果,將我手上的一份名單上的人全數清掉,我怕某個亂寫的大典中關於我的部分又可以被人無限加長了
或是你認為我們需要對於絕對可以改變的板規或甚壇規進行更貫徹的執行手法了?

最後,我想我要回應一下廣告的問題
現在我們的平均流量絕對比我註冊時多好幾倍
伺服器當然也需要更多的金錢進行維護
那我們就必須更多的資金
一個論壇要獲得支付伺服器的金錢就必須靠廣告或捐助
這在幾個著名的大型論壇也出現這個情況了,無論是你喜歡或不喜歡,我想你也需要接受
否則伺服器的穩定性只會比以往顯得更加嚴重
你希望用多兩秒時間等待或是乾脆連上也上不到?

[ 本帖最後由 鋼羽 於 3-3-2008 23:05 編輯 ]

monmon

分唔洗睇的說,慢慢佢會多嫁,自己唔覺=]]

鋼羽

點解講親呢d話題就冇人討論
反而整親隻腳趾都可以討論餐死

舊舊野都係積分奴隸

外道

洗分係一種責任!![[yoyo_019]]

乂無名示

緊係冇人講 因為唔知點反博
特別係過班拜分人士

同埋而加個追分系統已經hend理真係唔知整來做咩

superyyh

我以前發的文章
最多都係得兩頁
而家竟然可以去到9,10頁
但係有90％回覆係廢話

原帖由 鋼羽 於 2-3-2008 13:08 發表
點解講親呢d話題就冇人討論
反而整親隻腳趾都可以討論餐死

舊舊野都係積分奴隸

因為好多人都唔認同你,但係又反駁唔到你/反駁到你的人仲未上線

[ 本帖最後由 superyyh 於 2-3-2008 13:22 編輯 ]

恨天乂

上樂古純粹消磨時間
有無績分系統都無咩分別

superyyh

原帖由 恨天乂 於 2-3-2008 13:18 發表
上樂古純粹消磨時間
有無績分系統都無咩分別

但係其他人就唔係咁諗
所以有大量垃圾post出現

鋼羽

原帖由 乂無名示 於 2-3-2008 21:11 發表
緊係冇人講 因為唔知點反博
特別係過班拜分人士

同埋而加個追分系統已經hend理真係唔知整來做咩

等我挑釁下班人正面討厭下先

你班積分奴入黎隻正面討論啊,舊舊野